4 Cebuano judokas daog medalya
CEBU, Philippines - Nakab-ot ang pangandoy sa sa upat ka Sugbuanong judokas dihang mikabkab kini og tulo ka gold, usa ka silver ug duha ka bronze medals sa Green Archers Judo Championships didto sa La Salle Greenhills sa kaulohan.
Ang mga batan-ong judokas madasigon kaayong mihakot og mga medalya uban sa managsuong Nonoy ug Joaquin Fernandez isip ilang coaches.
Si Hazel Faye Laude sa University of Cebu (UC) nidaog og double gold pinaagi sa open belt junior category ug sa all-white action.
Laing pambato sa UC nga si Carriaga, mitunol og bronze sa junior belt ug usa ka gold sa all-white division.
Si Lea Sedoriosa sa Doce Pares Judo Club, miugkat og usa ka silver ug si Johannsen Quinio sa University of San Carlos (USC) nidaog og bronze sa all-white category.
Ang upat nag-ensayo didto sa USC Gentle Fighters Judo Club Headquarters. (BANAT NEWS)
- Latest
- Trending
