CEBU, Philippines - Andam balibaran ni Hope Amelia Solo ang usa ka blockbuster payday human unya sa Women’s World Cup final aron magpabilin ang iyang tinguha sa usa ka low-key lifestyle.
Mikalit pagsulbong sama sa skyrocket ang popularidad ni Solo kinsa maoy goalkeepr sa U.S. women's soccer team dihang ang iyang Twitter following nainat gikan sa 10,000 ngadto na sa kapin 117,000 karong panahona samtang gikatakda ang ilang sangka batok sa Japan.
Nagdasok ang mga tanyag sa usa ka dako ug mahalong commercial alang kang Solo human unya sa World Cup diin daghang kompaniya ang naglaraw sa pagkuha kaniya.
Duha ka lain-laing advertising industry ang nagkanayon nga ang GoDaddy.com naglaraw sa pagtanyag kang Solo aron maoy mosunod kang car racer Danica Patrick ug mahimo sab nga usa ka “Go Daddy Girl.”
Hinoon, mi-insister si Solo nga ganahan nga magpuyo sa yanong kinabuhi layo sa mga mata sa publiko inay sa makaangkon og daghang salapi.
Si Solo nagduwa sa Florida-based magicJack team sa Women’s Pro Soccer apan aduna siya'y balay duol sa Seattle, Washington diin adto siya mopuyo kung duna siya'y free time.
Samtang wala siya sa iyang trabaho isip goalkeeper, ang 29 anyos nga si Solo magkalingaw lang ug camping nga talagsaon kaayong buhaton sa usa ka sikat ug giilang glamour girl of American soccer. - BANAT NEWS