Alay Takbo karong Hulyo 31
CEBU, Philippines - Liboan ka runners ang gilaumang mosalmot sa 1st Alay Takbo karong Hulyo 31 diha sa Plaza Sugbu sa South Road Properties (SRP).
Gipasiugdahan sa Alay Lakad Cebu Foundation, ang maong lumba adunay tulo ka kategoriya -- 15K, 6K ug 3K fun run.
Gawas sa mga tinun-an sa nagkadaiyang tunghaan dinhi sa Sugbu, managan usab ang mga civic-oriented groups gikan sa nagkadaiyang kahugpongan.
Ganting salapi ang nagpaabot alang sa mga mananaog sa 15K ug 6K run, samtang walay premyo ang 3K nga giisip lang nga usa ka fun run.
Special awards ang madawat alang sa biggest delegation ug best in costume.
Niadtong mga interesado, ang registration fee nagkantidad og P400 sa 15K ug P300 sa 6K ug 3K.
Ang registration centers nahimutang diha sa RUNNR sa Ayala Center-Cebu, Cebu City Sports Center ug Alay Lakad Cebu Foundation Office. (BANATSPORTS)
- Latest
- Trending
