World record tuyo sa Cebu

CEBU, Philippines - Napatik sa Guinness Book of World Records isip "Largest Dance Class," ang Sugbu mosuway na sab og laing world record nga mao ang "World’s Largest Chess Tournament."

Sama sa miaging world record sa Sugbu, ang maong makasaysayanong event pasiugdahan sa hiniusang puwersa sa Cebu City Sports Commission (CCSC) ug Department of Education (DepEd)-Cebu City division.

Ang Sugbu mosuway pagbuak sa karaang record sa Krasnoyarsk sa Russia nga 1,214 participants.

Pormal nga ipahibalo ang kinatibuk-ang detalye sa maong kalihukan atol unya sa press conference karong Miyerkules diha sa buhatan sa DepEd sa Imus Road dungan ang chess coaching and officiating seminar.

Ang chess tournament dunganon sa tanang publikong tunghaan sa siyudad nga ipahigayon sulod sa 10 ka semana.

Ang championships gitakda karong Oktobre 8 diha sa Cebu City Sports Center.   (BANATSPORTS)