Tinun-an ni SGM Cacoy nanghawod sa ICMAA

CEBU, Philippines - Ang eskrima grandmaster nga si Vince Palumbo, tinun-an ni SGM Ciriaco 'Cacoy' Cañete ug instructor sa International Combative Martial Arts Academy (ICMAA) didto sa Australia, maoy nigawas nga overall champion sa 1st Australasian Stickfighting Titles didto sa Adelaide, Australia.

Ang maong torneyo gipasiugdahan ni Master Kevin Seskis nga sakop sa ICMAA, usa sa labing inilang martial arts school didto sa Welland, South Australia.

Gawas ni Palumbo, midaog sab og gold medals silang Chris Rew, Barry Jamieson ug si 'Big' John Moore.

Si Angela Woods sa South Coast Martial Arts Academy nga maoy bugtong babayeng misalmot sa torneyo ang midaog og duha ka gold ug duha ka silver medals ubos sa "Kulata" event. (BANATSPORTS)