Gin Kings pinulutan ang B-Meg Llamados
MANILA, Philippines - Sa ikalawang sunod na pagkakataon, muling nanood mula sa bench si import Curtis Stinson dahil sa kanyang right knee injury.
At muli ring nanalo ang Gin Kings.
Tinalo ng Barangay Ginebra ang B-Meg Derby Ace, 89-85, para makasalo sa ikalawang posisyon sa elimination round ng 2011 PBA Governors Cup kagabi sa Araneta Coliseum.
Nagtala si Mark Caguioa ng 19 points, 6 assists at 5 rebounds para sa Gin Kings, nasa isang two-game winning streak ngayon kasabay ng paghulog sa Llamados sa ikalawang dikit nitong kamalasan.
May 4-2 baraha ngayon ang Ginebra katabla ang Talk 'N Text (4-2) at Rain or Shine (4-2) sa ilalim ng semifinalist Petron Blaze (5-2) kasunod ang Meralco (3-3), Alaska (3-3), B-Meg (3-4), Powerade (2-4) at Air21 (0-6).
Bago ito, nanggaling ang Gin Kings sa 89-87 panalo sa Express noong Hulyo 8, habang nakatikim ang Llamados ng isang 84-87 kabiguan sa Boosters noong Hulyo 6.
“Everyone is chipping in, everyone is stepping up without our import (Stinson), without Willie (Miller), without JC (Intal),” ani Caguioa.
Tumipa si Ronald Tubid ng 20 points.
Ginebra 89 - Tubid 20, Caguioa 19, Menk 14, Wilson W. 12, Mamaril 11, Helterbrand 7, Cortez 4, De Ocampo 2, Labagala 0, Wilson J. 0.
B-Meg 85 - Hinson 21, Yap J. 14, Simon 14, Pingris 11, Devance 8, Reavis 6, Yap R. 6, Fernandez 3, Gaco 2, Escobal 0, Allado 0.
Quarterscores: 21-30, 41-45, 67-66, 89-85.
- Latest
- Trending
