Tiket para sa Azkals-Kuwait match mabibili sa Jul. 16
MANILA, Philippines - Inihayag kahapon ng Philippine Football Federation (PFF) ang pagbebenta ng mga tiket sa Hulyo 16 para sa home game ng Philippine Azkals laban sa bisitang Kuwait sa Hulyo 28 sa second round ng 2014 FIFA World Cup Qualifiers na idaraos sa maalamat na Rizal Memorial Football Stadium sa Vito Cruz, Manila.
Ang mga ticket prices ay nagkakahalaga ng P200, P300, P2,000 at P3,000.
Ang unang paghaharap ng Azkals at Kuwaitis ay sa Hulyo 23 sa Kuwait.
Ang tickets ay mabibili sa Ticketworld sa Hulyo 16 simula alas-10 ng umaga.
Ang home game ng Azkals kontra Kuwait ay idaraos sa alas-7 ng gabi.
Samantala, makakasama naman ng Azkals sa kanilang training camp sa Bahrain sina foreign-based midfielders John Patrick Hinrichsen at Jason de Jong na parehong nasa koponan nang sumabak sa nakaraang ASEAN Football Federation Suzuki Cup.
Si Hinrichsen ay nakasama ng Azkals sa kanilang training camp sa Germany, habang si de Jong ay ikinunsidera para sa national Under-23 team na sasabak sa 2011 Southeast Asian Games sa Indonesia.
- Latest
- Trending
