Lyceum asam ang 2-0 panimula

MANILA, Philippines - Solo liderato ang hanap ng Lyceum, habang una­han sa pagbangon matapos ang masakit na kabi­guan ang asam naman ng Jose Rizal University at Arellano sa 87th NCAA men’s basketball sa The Are­na sa San Juan.

Ang Pirates ay makikipagsukatan sa host University of Perpetual Help System Dalta sa ganap na alas-2 ng hapon at sasandalan nito ang kinuhang 75-63 panalo sa St. Benilde.

Galing naman sa 52-82 kabiguan ang Altas sa nag­dedepensang San Beda at kailangang kakitaan ng sigla ang host team upang matapatan ang inaasahang inspiradong laro ng bataan ni coach Bonnie Tan.

Nasali ang Lyceum ma­ta­pos gawing guest team upang maging ikasampung koponan sa taong ito.

Maaksyong tagisan sa pagitan ng Heavy Bombers at Chiefs ang magaganap sa tampok na laro sa alas-4 ng hapon dahil mag-uunahan ang dalawang koponan na mapasok sa win column.

Nangapa ang Bom­bers, pumasok sa Final Four sa huling tatlong taon, sa kanilang porma nang tanggapin ang 67-73 kabi­guan sa mga kamay ng San Sebastian, habang ang Chiefs ay ginulat naman ng Emilio Aguinaldo College, 77-84.