Kvitova kampiyon sa Wimbledon

CEBU, Philippines - Walay bisan usang nagtuo nga si Maria Sharapova ug dili si Petra Kvitova maoy makabsan sa ilang battle of nerves atol sa finals sa Wimbledon kagahapon, si Kvitova mi-iskor og dakong upset dihang iyang gipukan si Sharapova aron modaog sa korona sa women’s division pinaagi sa usa ka lopsided nga 6-3, 6-4 nga kadaogan alang sa iyang unang Grand Slam trophy.

“I was surprised how I was feeling on the court because I was focused only on the point and on the game and not on the final,” matod pa ni Kvitova.

Apan kung daghan ang nahibulong kung gi-unsa pagbuntog sa eighth-seeded nga si Kvitova ang pressure batok kang Sharapova, ang iyang coach nga si David Kotyza, wala.

Hinoon, matod pa ni Kotyza nga niadto ra untang miaging duha ka tuig siya midaog og korona.

Matod pa ni Kotyza “I was really surprised about how she thinks about tennis, how clever she is. She told me her advantages, disadvantages, what she has to improve. Her brain is a big advantage for this game.”

Sa bata pa si Kvitova didto sa Fulnek, Czech Republic nga adunay molupyo nga 6,000 ka katawhan, wala siya magdahum nga mahimo siyang usa ka professional tennis player tungod kay dili pa siya maayo kaayong moduwa apan dali ra kaayo siyang nakakat-on.

Sa wala pa ang 2010 Wimbledon, ang career record ni Kvitova sa grass court 0-4. Aduna siya’y 16-2 sa nipis nga korte.

Sa pangedaron nga 21, si Kvitova maoy nahimong pinakabatang Wimbledon champion sukad kini mahimo ni Sharapova sa edad nga 17 niadtong 2004. Si Kvitova sab maoy labing unang Czech nga midaog sukad sa 1998 dihang nahimo kini ni Jana Novotna.

Dugang niini, si Kvitova maoy ikatulong walhon nga player nga babaye nga midaog sa grass-court Grand Slam tournament ug ang kataposan mao si Martina Navratilova kinsa midaog sa iyang ika-siyam nga korona sa Wimbledon niadtong 1990 pipila lang ka buwan sa pagkahimugso ni Kvitova.

“I’m thrilled for her. She played brave tennis, and she deserved to win. She was by far the better player,” matod pa ni Navratilova kinsa didto natawo sa Czechoslovakia ug naglingkod tupad ni Novotna sa Royal Box. Padayon pa ni Navratilova “I don’t think this is the only time she’ll win here. It’s very exciting. A new star.”

Hangtod niadtong Sabado, si Sharapova midaog sa tanan niyang 12 ka sets sa miaging duha ka semana apan sumala pa sa coach ni Sharapova nga si Thomas Hogstedt “ One played well. The other didn’t play well. Maria didn’t play as good as she can.” – BANAT NEWS