CEBU, Philippines - Ang Cebu City Boxing Club maoy nahimong overall champion sa 51st Southern Leyte Founding Anniversary Open Invitational and Inter-Town Amateur Boxing Tournament niadtong Hunyo 27-29 didto sa Maasin City.
Ang mga boksidor gikan sa Sugbu mihakot og lima ka gold ug duha ka silver medals.
Ang mikabkab og bulawan mao silang Kevin Jake Cataraja, Reoxyl Tabogon, Junriel Jimenez, Jeffrey Estela ug si Juren Labordo. Samtang ang silver medalists mao sila si Rhezon Tarona ug Rodex Piala.
Ang Cebu City Boxing Club gipaluyohan ni Mayor Michael L. Rama, Cebu City Sports Commission (CCSC) chairman Edward Hayco ug CCSC commissioner ug Amateur Boxing Association of the Philippines (ABAP) Cebu Chapter president Lorenzo 'Chao' Sy. (BANATSPORTS)