CEBU, Philippines - Nakadawat og tambag si Floyd Mayweather Jr. gikan ni Shane Mosley kabahin sa plano niining makigsangka ni WBO welterweight champion Manny Pacquiao.
Nagkanayon si Mayweather nga adunay nabantayan si Mosley atol sa ilang sangka ni Pacquiao sa miaging Mayo 7.
Ang kanhi undisputed super welterweight champion nga si Mosley mao ang labing uwahing biktima ni Pacquiao, kinsa nidaog pinaagi sa unanimous decision.
Tungod niini misamot ang katahap ni Mayweather nga adunay gitagoan si Pacquiao ug milig-on usab ang iyang baruganan nga dili suklan ang Pinoy boxing superstar kun dili kini mopaubos sa blood testing. (BANAT SPORTS)