Cataraja mi-abante sa finals

CEBU, Philippines - Ang Sugbuanong boksidor nga si Kevin Jake Cataraja ang miabante sa finals sa Maasin City Open Inter-Town Amateur Boxing Tournament didto sa Maasin City.

Si Cataraja midaog batok ni Julius Decipeda sa Bohol, 5-0 sa 46 kgs. division, samtang ang pambato sa Maasin nga si Teresito Pilo mimakmak ni Jomar Cenita sa Bohol pinaagi sa RSC (referee stopped contest).

Duha lang sa 10 ka paresan ang gisalmotan sa Cebu City boxing team ug ang kadaghanan nila didto moaway sa open category.

Ang mga pambato sa Sugbu nga midaog atol sa semifinals mao sila si Rodex Piala, Junriel Jimenez, Reoxyl Tabogon ug John Paul Atieda nga niaway ubos sa elite division. (BANAT SPORTS)