CEBU, Philippines - Ang amahan sa siyudad sa Sugbu nga si Hon. Mayor Michael Rama, usa sa modagan sa labing unang Cebu Sonshine Run sa DYAR 765 Sonshine Radio karong Domingo nga anha manukad ug tapuson sa The Terraces sa Ayala Center-Cebu.
Gawas nga usa siya ka sports enthusiasts, rason usab ni Rama pagsalmot sa kalihukan mao ang Children’s Joy Foundation, diin usa siya sa mga misuporta sa maong foundation sud sa dugay nang panahon. Ang Children's Joy Foundation maoy beneficiary sa Sonshine Run.
Modagan usab ang running celebrity couple nga sila si Dr. Yong Larrazabal ug kapikas niini nga kanhi singer/actress Donna Cruz- Larrazabal.
Gilaumang moabot ngadto sa 1,000 runners ang mosalmot sa lumba nga gibahin sa 12K, 6K ug 3K categories. Dakung bahin sa mga partisipante gituohang magagikan sa mga running clubs sa Cebu City, Lapu-Lapu City, Mandaue City ug Talisay City. (BANAT SPORTS)