Way mahitabong NBA kun dili mahilot ang Collective Bargaining Agreement

CEBU, Philippines - Kun dili mahilot ang kasamtangang suliran sa "Collective Bargaining Agreement" (CBA), malagmit walay National Basketball Association (NBA) karon nga season nga gikatakdang buksan karong Oktubre.

Si Commissioner David Stern uyon nga angayan nang makigbahin ang mga NBA teams sa ilang kinitaan ngadto sa mga players.

Gusto sa mga players nga adunay "revenue sharing plan" nga ilakip sa bag-ong CBA. Ang mga

 team owners nasayod nang daan nga moabot gyud

 kini, apan unya pa sila mohukom kun mahusay na ang CBA.

Ang mga team owners pasabton kalabot sa CBA ug ingon man sa revenue sharing sa pagahimuong tigum karong Huwebes didto sa Dallas.

Kaniadto, si Stern nagkanayon nga ang CBA ug revenue sharing managlahing butang nga tagsa-tagsao'g sulbad. Ang mga team owners gustong sutaon una kun pila ang ilang sobra sa dili pa sila mohukom kun pila ang idugang suholan nga ilang mahatag ngadto sa mga players. Buot sa mga players nga ang revenue sharing dili himuong instrumento aron kontrolahon ang ilang suweldo ug dili tugotan ang mga teams nga adunay spending limit aron lang makalingkawas sila niini.

Ang NBA may gibana-banang alkanse nga $300 million karon nga season. Ang mga players nagtuo nga ang maong kantidad gamay ra ug dali nga masulbad ug nanawagan sa usa ka expanded revenue sharing isip pasiunang proposal alang sa bag-ong CBA.

"When this whole process started, the first theme that we tried to agree on was that this needed to be a partnership. So if this is a partnership, we’re working from that concept, then you have to be willing to discuss all of these pieces, including revenue sharing," matud pa sa presidente sa NBA players union nga si Derek Fisher sa Los Angeles Lakers.

(BANAT SPORTS)