WIMBLEDON, England--Natalo si 13-time major champion Serena Williams kay ninth-seeded Marion Bartoli , 3-6, 7-6 (6), sa Court 1, habang nabigo naman si five-time Wimbledon champion Venus Williams kay 32nd-seeded Tsvetana Pironkova, 2-6, 3-6 sa Wimbledon.
Napatalsik rin si top-seeded Caroline Wozniacki matapos ang 1-6, 7-6 (5), 7-5 kabiguan kay No. 24 Dominika Cibulkova.
Sina Venus at Serena ay nagwagi ng pinagsamang siyam sa huling 11 Wimbledon titles. Nagreyna si Serena noong 2009 at 2010 at naglaban sila ni Venus ng apat na beses sa finals.
Ito ang unang pagkakataon simula noong 2006 na walang maglalarong Williams sa Wimbledon quarterfinals.
Huling natalo sina Venus at Serena magkatulad na araw sa Grand Slam tournament noong Mayo 30, 2008 sa third round ng French Open.