MANILA, Philippines - Hindi pinaporma ng Pilipinas na kinakatawan ng International Little League Association of Manila ang bisitang Guam, 7-0, sa pagsisimula ng Asia Pacific Big League Championship kahapon sa Rizal Memorial Baseball Field.
Nagbaga ang palo nina Charles Cataguit at Mark Ong habang sina pitchers MJ Gante, Tsuyoshi Horibata, Kevin Ramos at Vincent Ching ay nagbigay lamang ng pinagsamang dalawang hits para ibigay sa host team ang 1-0 karta sa tatlong bansa na double round elimination.
Pahinga ang CNMI-Saipan sa unang araw ng sagupaan na kinakitaan din ng pangingibabaw ng Guam sa Tanauan, Batangas, 4-3, sa ASPAC Senior League.