CEBU, Philippines - Napakgang sa GenSan MP Warriors ang pagratsada sa RDAK-Mandaue Landmasters sa iskor, 90-70 aron moabante sa kampiyonato sa SMC Liga Pilipinas Conference V General Santos City leg niadtong Biyernes sa gabii didto sa GMP Sports Complex.
Ang MP Warriors ni Rep. Manny Pacquiao magsangka pag-usab batok RDAK-Landmasters alang sa leg title.
Nabiyaan og otso puntos sa halftime, 30-38, ang Warriors ubos sa giya sa ilang guwardiya nga si Louie Medalla, milusad og 17-0 run pinaagi sa nagtusak-tusak nilang mga tira gikan sa gawas nga nakapausab sa dagan sa duwa.
Si Medalla miposte og conference-best 29 puntos lakip na ang lima ka triples, samtang si Jonathan Parreno midugang og laing tulo ka triples sa kinatibuk-an niyang 11 puntos alang sa Warriors ni coach Arvin Bonleon
Sila si Axel Doruelo ug Mario Basco maoy nangu sa Mandaue nga adunay tag-nuybe puntos matag usa.
Ang Mandaue nilang Joe Soberano, Rick King ug coach Jun Tan nidaog na og duha ka leg titles sa Cebu ug Mandaue niini nga conference.
Sa pasiunang duwa, ang Ilocos Sur CS Tigers ni Gov. Luis 'Chavit' Singson ug coach Johnedel Cardel mipakita sab sa ilang taras ug miihaw sa Laguna Golden Lions sa iskor nga 76-67. (FREEMAN)