Van System nibalik sa unang dapit sa Power Forty Commissioner's Cup

CEBU, Philippines -  Gipakuratan Van System ang paboritong UTASSCO ni Atty. Flor Yosores, 102-91 aron mobalik sa unang dapit sa liderato sa Power Forty Commissioner's Cup basketball tournament didto sa Inayawan Sports Complex.

Mihakot og 32 puntos si Fernando Sumargo aron pangulohan ang Van System, kinsa nagbitbit og 5-3 nga baraha.  Si Gideon Bughao miposa og 26 puntos, samtang si Alex Mercado mitira og 20 puntos alang sa UTASSCO nga nalabay sa ikatulong puwesto sa ilang 4-4 nga baraha.

 Sa sayo pa, ang Allyn Farms nidaog sab batok sa Park ‘N Go Bakershop sa iskor nga 93-85 aron mo-abante sa ikaduhang puwesto.  (BANATSPORTS)