M'luyong, QC nakauna sa 2nd Coca-Cola Hoopla Inter-Zonal
MANILA, Philippines - Agad na nagpasikat ang Mandaluyong at Quezon City matapos na ilista ang unang panalo sa pagsisimula ng 2nd Coca-Cola Hoopla sa Mandaluyong Gym nitong Linggo.
Ginawang inspirasyon ng host team ang presensya ni Mayor Benhur Abalos upang pigilan ang Antipolo, 96-86, habang hiniya naman ng Quezon City ang Caloocan, 96-75.
Sumandig ang Mandaluyong sa mga maiinit na kamay ng shooter na si Rafael Refugio upang iselyo ang panalo ng tropa ni Mayor Abalos.
Sa pagpupunyagi ni Refugio, tumapos ng 31 puntos, agad na sinakmal ng Mandaluyong ang 63-43 pangunguna na hindi na nilingon pa ng Antipolo.
“Hindi bumigay yung mga bata. Talagang gustong manalo. I’m happy for them.” wika naman ni Mandaluyong coach Romeo Bolido.
Si Abalos na siyang guest of honor ang nagsagawa ng ceremonial toss na inasistihan nina Coca-Cola Export vice president for communications and public affairs JB Baylon.
Binanderahan ni Bernardo Repato ang Antipolo sa kanyang tinapos na 21 puntos, ngunit hindi ito naging sapat para maipanalo ang kanyang koponan.
Sa kabilang dako, magaang naman nakuha ng Quezon City, na minamanduhan ni University of the East assistant coach Rene Baena, na suportado naman ni Vice Mayor Joy Belmonte ang kanilang panalo laban sa Caloocan mula sa matikas na preformance nina Christopher Villarosa, Kevin Boquiren at Alvin de Leon.
- Latest
- Trending
