CEBU, Philippines - Ang notadong long distance runner ug kanhi “King of Cebu marathon” nga si Mendel Lopez ang 15k men’s category sa Run For Green Life kagahapon didto sa UC Banilad Campus.
Lab-as pa sa iyang malampusong kampaniya didto sa Australia , si Lopez miangkon na usab og laing kampiyonato dihang una niyang gilabang ang finish line sud sa 52 minutos ug 47 segundos.
Si Lopez gisundan sa pambato sa Southwestern University (SWU) nga si Ian Bernido sa ikaduhang dapit sa oras nga55:47.26, samtang si Joselito Dignos maoy third placer sa oras nga 55:46.89.
Sa women’s class, wala gihapon magpapugong si Mary Joy Tabal sa iyang pagpangolekta og korona dihang iyang giangkon ang unang dapit sa female division sa oras nga 1:02.00.
Nagsunod ni Tabal ang mga runner-ups nga sila si Christy Sevilleno Tutor (1:06.00) ug Joery Lee (1:07.00) sa ikaduha ug ikatulong dapit.
Si Jess Gonzaga ang midaog sa 6k run sa oras nga 20:30.15 uban nila ni Jordan Bacong (20:330.55) ug Joel Delposo (20.44.00) isip second ug third placer.
Migawas nga top three finisher sa 6k female class sila si Mary Grace delos Santos (23:07), Aiza Suwaybaguio (25:99) ug Linley Cardenas (27:25). (BANAT NEWS)