Pasay sumalo sa liderato sa 2nd Coca-Cola Hoopla
MANILA, Philippines - Kinabig ng Pasay ang ikaapat na sunod na panalo nang pataubin nila ang nagdedepensang Muntinlupa, 90-73, sa pagpapatuloy ng Inter-City phase ng 2nd Coca-Cola Hoopla NCR Championship nitong Lunes sa Muntinlupa Sports Complex.
Kumana ng tig-20 puntos nga sina Gio Ramos at Kenneth de Vega para sa Pasay na hawak ni coach Cholo Martin.
Ang panalo ay nagresulta para makasalo ang Pasay sa liderato sa Mandaluyong, Quezon City at Antipolo sa ligang bukas para sa mga manlalarong hindi kasama ng varsity teams ng iba’t-ibang paaralan sa bansa.
Nanalo naman ang Taguig sa Parañaque, 87-66, sa isa pang laro.
Ang Mandaluyong ay nangunguna sa Central zone sa 4-0 karta habang nakasunod sa kanila ang San Juan (3-1), Makati (2-3) at Manila (0-5).
Ang Quezon City na suportado ni Vice Mayor Joy Belmonte (4-0) ang lider sa East.
- Latest
- Trending
