Bautista andam na sa rematch

CEBU, Philippines - Nahuman na si ALA knockout artist Rey 'Boom Boom' Bautista sa una niyang phase sa training nga kabahin sa preparasyon sa umaabot niyang "rematch" uban sa Mexican Heriberto Ruiz sa main event sa "Pinoy Pride 6" karong Hunyo 11 diha sa Waterfront Cebu City Hotel and Casino.

Nahan-ay na ang game plan ni Bautista nga maoy gamiton aron makab-ot ang dugay na niyang gihandom nga panimalos batok ni Ruiz, ang ikaduhang boksidor nga nakapilde niya.

Gawas sa pagbaid sa iyang boxing techniques uban sa iyang trainer   Edmund Villamor, padayon usab nga nagpalig-on si Bautista sa iyang strength ug conditioning ubos ni Pio Solon.

"Focus na kaayo ko ug wala ko'y laing gihuna-huna kun di ang nagkaduol nako nga away batok ni Ruiz," matud pa ni Bautista. "Bug-at nalang ko og ten pounds sa weight limit ug feel nako nga mikusgan ko." (BANATSPORTS)