Sports scribes, kampeon muli sa SMB beer drinking

MANILA, Philippines - Nagwagi muli ang mga sportswriters ng NCR media edition title sa pangatlong sunod na taon ng San Miguel Beer National Beer Drinking Contest na ginanap sa Bagaberde Grill and Bar sa Pasay City.

Sina Snow Badua ng NBN-4, Marc Reyes ng Philippine Daily Inquirer, Jun Lomibao at Aldrin Quin­to ng Business Mirror at Waylon Galvez ng Manila Bulletin ay nagtala ng oras na one mi­nute at 27 se­conds, tatlong segundo na mas mabilis sa grupo ng mga taga Inquirer na sina Ted Melendres, Ernie Gonzales at Francis Ochoa na nakasama ang taga Malaya na si Noli Cortez at Tina Maralit ng Ma­nila Bulletin. Sina Melen­dres, Maralit at Cortez ay kasama sa champion team noong nakaraang taon.

Ang Team Lifestyle Ma­nila Bulletin nina Owen Bau­tista, Dennis Dayao, Chris­tian Santos, Ali Vicoy at Noel Pabalate ang pu­mangatlo sa kanilang oras na isang minuto at 32 segundo.

Ang pinakamabilis na uminom sa mga lalaki ay si Celso Quijano ng Manila Bulletin at sa babae naman ay si Becky Rodriguez ng Police Files.

Ang mga judge ay mga opisyal ng San Miguel Bre­wery Inc. na sina Kosuke Nagasato, Alvin Patrimonio, Pido Jarencio at Peter Martin. Ang nag-award ng mga premyo ay mga San Miguel Brewery, Inc. officials sa pangunguna ni National Sales Manager Debbie D. Namalata.

Ang media edition ay ga­­gawin rin sa Angeles, Le­gazpi, Bacolod, Cebu, Cagayan de Oro at Davao City.