MASHHAD, Iran--Umiskor si GM Wesley So ng magkasunod na panalo laban kay IM Sundar Shyam ng India at kababayang sit GM John Paul Gomez para mapalakas ang kanyang kampanya sa 10 h Asian Continental Individual chess championships dito sa Hotel Pardisan.
Hangad makuha ang isa sa apat na tiket para sa 2011 World Cup sa Khanty-Mansiysk, Russia, itinaas ni So ang kanyang iskor sa 4.5 points mula sa kanyang tatlong panalo, tatlong draws at isang talo.
Sa kabuuan, isang puntos ang agwat ng 17-anyos na pambato ng Bacoor, Cavite kay solo leader Yu Yangyi ng China at kalahati naman kina GMs Bu Xiangzhi ng China, Pentala Harikrishna at Krishna Sasikiran ng India at Elshan Moridiabadi ng Iran patungo sa dalawang rounds. Winalis rin ni GM Mark Paragua ang kanyang mga laro kina IMs Gurathi Santosh Vidit ng India at Kaiqi Yang ng China para sa kanyang 4.5 points at makatabla si So at apat pang iba sa sixth hanggang 13th places.
Tinalo naman ni IM Oliver Barbosa si IM Javad Alavi ng Iran at nakipag-draw kay top seed GM Rustan Kasimdzhanov ng Uzbekistan para sa kanyang 4.0 points.