Libreng panonood sa Navotas Sports Complex

MANILA, Philippines - Isang free showing ang ibibigay sa mga residente ng Navotas ukol sa boxing match nina Manny Pacquiao at Shane Mosley sa MGM Grand Garden Arena sa Las Vegas, Neva­da ngayong alas-9 ng umaga sa Navotas Sports Complex.

Malalaking television screens ang ilalagay sa loob ng Navotas Sports Complex para bigyan ang mga ticket holders ng magandang puwesto.

Isang TV screen rin ang makikita sa labas ng sports complex para naman sa mga non-ticket holders.

Sinabi ni Mayor John Rey Tiangco na ang compli­mentary tickets ay ibibigay sa mga residente sa ‘first-come, first-served basis’.

Ang General Services Office ang mamamahala sa over-all preparation at maging sa pamamahagi ng tickets sa mga barangay halls.