Summer Sports Clinic sa Consolacion

CEBU, Philippines - Ang lungsod sa Consolacion ubos sa pamunoan ni Mayor Teresa P. Alegado mopahigayon og libreng Summer Sports Clinic nga naglakip sa soccer ug basketball.

Ang soccer camp nasugdan na sa miaging adlaw, apan mahimo pang mosalmot ang mga interesadong batan-on tungod kay hangtod pa kini sa Mayo 15.

Nagdumala sa soccer camp mao si Councilor Nilo A. Ferraren, samtang ang basketball gidala ni Consolacion Sports Commissioner Paul Alelu Flores, kanhi FEU Tamaraw cager.

Bukas ang training camp sa mga bata nga nag-edad og sayes ngadto sa 13-anyos.

Mahimong magparehistro ni Louie Malagar didto sa Consolacion Sports Complex o tawag sa 0923-4045411.

Ang maong sports development project gisuportahan ni Mayor Alegado uban sa mga sakop sa Sangguniang Bayan ubos sa liderato ni Vice Mayor Aurelio Damole. (BANAT NEWS)