CEBU, Philippines - Gipilde na sab sa Lion Tiger Aerosol sa ikaduhang higayon ang Ave Maria Sanctuary Park, 64-56 sa usa ka low-scoring ballgame niadtong Huwebes sa gabii sa 5th CESAFI Partners' Cup didto sa Cebu Coliseum.
Sa sayo pa, ang San Marino Corned Tuna nidaog batok sa Rose Aquarius Merchandising sa iskor nga 65-58.
Giposasan sa Lion Tiger ang Ave Maria diin igo lang nila kining gipa-iskor og sayes puntos sa first period, 6-13. Kalit nga nagmangtas ang Lion Tiger aron moposte’g 16 puntos nga labaw, 29-13 sa halftime.
Ang Ave Maria mi-rally sa third period, apan nagsangkaig gihapon kini bisan pa sa pagpanginit nilang Abulaiz Suliman, Jason Nudalo, Banjo Capillar ug Jason Olbedado.
Sa laing bahin, sila si Eleazar Armecin ug Rene Pacquiao maoy nangulo sa San Marino sa ilang 12 ug 10 puntos, samtang sila si Joseph Sedurifa ug Fritz Dajalos nagkumboya og 22 puntos alang sa Rose. (BANATSPORTS)