Lion Tiger nag-wild batok Winner

CEBU, Philippines -  Human sa taas nga bakasyon, namungot pag-ayo ang Lion Tiger sa ilang pagbalik ug ilang gipanitan ang Winner Beef Loaf, 86-61 sa pagsugod sa second round sa elimination sa 5th CESAFI Partners' Cup kagabii didto sa Cebu Coliseum.

Sa kasamtangan ning pagsuwat, padayon pang nagtakos ang San Marino Corned Tuna batok sa Prime Asia Pawnshop diin pareho silang nagtinguha pagpalambo sa ilang baraha nga 3-3.

Kontrolado kaayo sa Lion Tiger ang duwa ug wala gyud nila hatagi og higayon ang Winner nga mokulit og daog.

Ang Lion Tiger nagtangag na karon og 6-1 nga baraha, samtang ang biktimang Winner adunay 1-6 nga baraha. 

Si Harold Cincoflores maoy nangu sa Lion Tiger sa iyang 16 puntos, gisundan ni Edrian Lao nga adunay otso puntos.

Walay player sa Winner nga mi-iskor og double figures apan maayong pagkakatag ang ilang mga ginagmay nga puntos.

PUNTOS MATAG USA

Lion Tiger (86) - Cincoflroes 16, Lao 8, Silva 8, Saycon 7, Premacio 7, Abad 7, Mendoza 5, Arong 5, Rios 5, Avellanoza 5, Belano 5, Codilla 4, Perolino 2, Graf 2

Winner Beef Loaf (61) - Batiquin 9, Felisario 9, Dimco 8, Booc 6, A. Nazareno 5, Lopez 5, Taboada 4, Curso 4, Taaghoy 2, Tejam 2, Brigoli 2, D. Nazareno 2, Infante 1 (BANAT NEWS)