Light Pink naka-eskapo sa Yellow

CEBU, Philippines - Naka-eskapo ang Light Pink   bitbit ang uno punto nga kadaugan, 56-55 batok sa Yellow team sa makutas nilang duwa sa Summer Sports Tournament didto sa Brgy. Basak gym sa Lapu-Lapu City.

Gikontrolar sa Light Pink ang unang-duha ka kuwarter diin niposte kini og singko puntos nga bentaha sa halftime, 26-21.

Apan nakarekober ang Yellow sa sunod nga kuwarter ug ila pa nga nailog ang labaw, 41-39 paghuman sa third period.

Nagsinukliay og mga opensa ang duha ka kampo ug sa kamabaw sa labaw, yano nga nailog pagbalik sa Light Pink ang momentum ug maoy mipatigbabaw paghuman sa duwa.

Ang Summer Sports Tournament nga gidumala sa Sangguniang Kabataan (SK) ubos sa ilang chairman VG Marie Darnayla, gipaluyohan sa Basak Barangay Council sa liderato ni Brgy. Capt. Isabelito 'Belong' Darnayla.

PUNTOS MATAG USA

Unang duwa:

LIGHT GRAY (61) - Senining 16, Budoy 10, Comendador 8, Isidro 7, J. Pelayo 6, Junrey 6, Dennis 4, Novicio 2, Doroy 2

ORANGE (46) - Dody 14, Toting 12, Gleen 7, Dandan 6, Randy 5, Jembo 2

Ikaduhang duwa:

LIGHT PINK (56) - Salaroso 13, Canonigo 8, Aton 8, Basoy 6, E. Ochea 6, Sumalinog 5, Lumongsod 4, A. Ochea 4, Abapo 2

YELLOW (55) - Sales 16, Anana 12, Michel 11, Macasa 6, Aamores 4, Cuyos 2, Rexilla 2, Flores 2 - BANAT NEWS