Cyber Knights mibuntog sa Skyblazers

CEBU, Philippines - Nikawat og daog ang Asian College of Technology (ACT) Cyber Knights pinaagi sa pagpilde sa Salazar Colleges of Science and Institute of Technology (SCSIT) Skyblazers, 91-84 sa 1st M. Lhuillier Kwarta Padala-Cebu Basketball Association (MLKP-CBA) basketball tournament didto sa Cebu Coliseum.

Sa sayo pa, ang Cebu Eastern College (CEC) mipukan sa University of San Jose-Recoletos (USJ-R) nga gipaluyohan sa Ave Maria Sanctuary Park sa iskor nga 79-70.

Pabor habig sa Skyblazers ang momentum human nila gipapas ang 19 puntos nga biya, 31-50 luyo sa nagtusak-tusak nga tira ni Stephen Padilla, kinsa miposa og walo ka triples sa iyang 30 puntos nga nakatabang sa koponan pagposte og 74-68 nga bentaha sa tunga-tungang bahin sa final period.

Pinaagi sa ilang 6-0 run, ang Skyblazers mitabla sa iskor, 74-all ug dayon si Jimwell Torion mi-iskor og go-ahead basket, 76-74 sa final 3:36 sa duwa.

Nalansang ang iskor sa Skyblazers, samtang ang Cyber Knights mikalingaw og inat sa ilang labaw, 81-76 dayon na sa pagkuhit og daog.

Ang free throws ni Eliud Poligrates sa nahabiling 1.2 segundos maoy mikandado sa kadaugan.

Si Poligrates maoy topscorer pinaagi sa iyang 20 puntos, samtang sila si John Villaver ug Edelbert Nuñez mitugpo og 17 puntos matag usa.

Si Mark Abadia adunay 24 puntos alang sa Skyblazers, samtang si Torion misansan og 15 puntos.

Sa laing bahin, ang M. Lhuillier-Cebu Niños naka-eskapo bitbit ang 78-75 nga kadaugan batok sa Ave Maria Sanctuary Park sa usa ka exhibition game.

PUNTOS MATAG USA

Unang duwa:

M. Lhuillier (78) - Saladaga 16, Cruz 16, Rodriguez 15, Santos 8, Nailon 6, Abadia 4, Raymundo 4, Lusdoc 3, Dacia 2, Baguion 2

Ave Maria (75) - Tangkay 20, Ocañada 16, Cainglet 10, Llanto 8, Amores 6, Aying 4, Ponce 4, France 2, Abellana 2, Duran 2

Ikaduhang duwa:

ACT (91) - Poligrates 20, Villaver 17, Nuñez 17, Ursal 8, Galinato 8, Sevilla 7, Valencia 6, Luga 6, Caputolan 2

SCSIT (84) - Padilla 30, Abadia 24, Torion 15, Isidro 9, Berame 4, Doy 2, Labares 2 - BANAT NEWS