Deadline sa Mayor's Cup Run gi-extend

CEBU, Philippines - Sa tuyo nga magbaha ang mga partisipante, ang organizer sa 4th Mayor's Cup Run karong Mayo 1, ang organizers milugway sa registration ngadto sa Abril 30.

Ang deadline karon untang Abril 25, apan gi-extend kini hangtod karong Sabado aron mas modaghan pa ang mga entrante.

Sa pagka karon kapin na sa 300 ang nagparehistro sa maong lumba nga hinugpong proyekto sa Mandaue Sports Commission (MSC) sa liderato ni Atty. Hidelito Pascual ug sa Mandaue Runners Club (MRC).

Ang lumba gibahin sa lima ka kategoriya, ang 12K open (men and women), 12K master A (41-50 years old), 12K master B (51 year old and above), 6K open (men and women), 6K inter-barangay (men and women) ug 3K inter-barangay (12 year old/ boys and girls).

Ang inter-barangay runs alang lamang sa mga partisipante nga nagpuyo sa dakbayan sa Mandaue.

Ang top five finishers sa 12K open, 12K masters A-B ug 6K open makadawat og ganting salapi. Makadawat sab og ganting salapi ang top ten finishers sa 6K ug 3K inter-barangay

runs.

Matud pa ni race director Arkel Nodalo sa MRC, nga mao kini ang labing dakung premyo sa inato lang nga lumba dinhi sa Sugbu diin ang kampiyon sa 12K open sa men's ug women's makadawat og P8,000 matag usa, ang second placers makaangkon og P5,000, ang third placers mobulsa og P3,000, samtang ang fourth ug fifth placers makadawat og P2,000 ug P1,000 matag usa.

Sa registration fee nga P250, ang mga partisipante makadawat og libreng singlets, race bib ug snacks.

Niadtong interesado mosalmot sa 4th Mayor's Cup Run, mahimong magparehistro sa Mandaue City Cultural and Sports Complex, Cebu City Sports Commission, Nike-BTC ug sa Holiday Spa-Banilad.

Alang sa dugang mga pangutana kalabot sa 4th Mayor’s Cup, mahimong motawag ni Roy S. Lansang sa 344-0184 ug Democrito Branzuela sa 348-7944 o di ba sa 09276147786. (BANAT NEWS)