Hoopers Five naka-ikyas

CEBU, Philippines - Gipatapsingan sa Hoopers Five nga gipaluyohan sa Philippine Institute of Certified Accountants (PICPA) ubos sa ilang team captain Yoli Meso ang Bank of the Philippine Island (BPI), 63-62 sa 2011 Cebu United Bankers Association (CUBA) summer league didto sa Capitol Parish gym sa dalan Escario.

Human moposte’g 15-11 nga labaw ang BPI ubos sa tandem nilang Edwin Mabanto ug Jordan Dumaolao, mipatuman dayon og hugot nga depensa ang Hoopers ni coach Norwin Honoridez aron hinay-hinay mabawi ang abante.

Nilabaw ang BPI og dos puntos 62-60 sa nahabiling 24 segundos sa lay-up ni Ronald Ong, apan dali mibawos si Jonar Torres pinaagi sa pagpasud sa iyang pilde-daog nga 3-pointer sa katapusang 1.7 segundos aron baswaton ang Hoopers.

 Si Torres mao sab nangu sa Hoopers sa iyang 12 puntos, gisundan nilang   Lito Ortiz ug Andrew Tocao nga adunay 11 puntos matag usa. Ang BPI gipangulohan ni Edwin Mabanto pinaagi sa iyang 16 puntos ug si Hendril Salis miamot og 12 puntos.

PUNTOS MATAG USA

Hoopers (63) - Torres 12, Ortiz 11, Tocao 11, Bonsucan 6, Credo 6, Manulat 5, Meso 4, Talaroc 3, Bandala 3, Alejandre 2.

BPI (62) - E. Mabanto 16, Salis 12, Dumaolao 8, B. Mabanto 7, Sumalo 5, Borines 5, Soco 4, Castellano 2, Ong 2, Cataros 1(BANAT NEWS)