Van System balik sa numero uno

CEBU, Philippines - Mibalik sa numero unong puwesto ang Van System dihang ilang gipakgang ang UTASSCO ni Atty. Flor Yosores, 97-95 sa Power Forty Commissioner’s Cup didto sa Inayawan Sports Complex.

Sa laing duwa, midaog sab ang Allyn Farms batok sa Park ‘N Go Bakeshop sa iskor, 87-75.

Nagtabla na karon sa 3-1 nga baraha ang Van System ug Allyn Farm.

Si Joel Cañetemipugnit og 32 puntos aron pangulohan ang Allyn Farms, samtang si Michael Arias mao sab ang nangulo sa pilderong Park N' Go sa iyang 36 puntos.

Ang Van System sa laing bahin, gipangulohan nilang Toto Cabaluna ug Fernando Sumargo nga nagkumboya og 38 puntos. Si Cabaluna miburak og 20 puntos, samtang si Sumargo miposa og 18 puntos.

Si Alex Mercado mibahog og 25 puntos alang sa UTASSCO ug sila si John Tantay ug Wilbor Cabrera midugang og 20 ug 19 puntos matag usa.

Tungod sa maong kapildihan, ang UTASSCO midailos sa ikaduhang puwesto, samtang ang Park N' Go nahimutang sa ikaupat nga puwesto sa ilang 1-3 nga baraha. Bugtong Water Market na lang ang wala pa makatilaw sud sa tulo nila ka duwa.

PUNTOS MATAG USA

Unang duwa:

Allyn Farm (87) - Cañete 32, Vernaiz 13, Canedo 11, Tabar 11, Lisondra 8, Moniva 6, Cabase 2, Sandal 2, Plarizan 2

Park ‘N Go (75) - Arias 36, J. Rama 16, Pestano 8, R. Rama 5, Filosopo 4, Navares 2, Albano 2, G. Rama 2 (BANAT NEWS)