CEBU, Philippines - Adunay lumba nga gikatakda atol sa Pasko sa Pagkabanhaw nga uloha'g "Run for a Child’s Future" karong Domingo diha sa APM Mall sa North Reclamation Area.
Ang lumba nga gipasiugdahan sa Child Health Information Leaders for Development and Reforms Network Incorporated (CHILDREN Inc.), adunay 12K, 6K ug 3K length races.
Tuyo sa CHILDREN Inc. sa pagpahigayon sa maong lumba mao ang pagtigom og salapi nga ilang itabang ngadto sa pagpatungha sa mga kabus nga bata sugod sa elementarya hangtod na ngadto sa ilang pagtapos sa kolehiyo.
Dul-an sa 1,500 runners ang gilauman sa mga organizers nga mosalmot sa lumba nga unang gitakda niadtong buwan sa Pebrero, apan wala kini mahinayon human gipugngan sa kagamhanan sa siyudad sa Sugbu tungod usab sa nagpila nga mga lumba niadtong tungora.
Ganting salapi ang nagpaabot alang sa top placers sa tulo ka kategoriya.
Ang registration fee nagkantidad og P250 lakip na niini ang race packet ug snacks.
Mahimong magparehistro sa Philippine Sports Commission (PSC) office sulod sa Cebu City Sports Center ug RUNNR sa Active Zone sa Ayala Center Cebu. - BANAT NEWS