CEBU, Philippines - Magsinukliay og kumo sila si Rhiyam Canillas sa Toledo City ug Mark Andre Acub sa Antique, Iloilo sa main event sa ALA Summit Natural Drinking Water Fight Night Amateur Series ugma sugod sa alas-6 sa gabii diha sa Gaisano Countrymall carpark.
Ang duha ka boksidor magpinaksitay sa 62 kgs. division.
Lain pang moaway mao si Jan Ivor Lastrilla sa Tacloban City batok ni Ronel Abing sa Bohol, Mardy Muaña sa Camotes Island batok Eleno Traya sa 57 kgs. division, samtang si Yan-Yan Stella sa Phil-Australian Boxing Club mo-away batok ni Rolando Lingaw-Lingaw.
Ang pambato sa Cabancalan National High School nga si Reoxyl Tabogo moharong ni Jessel Magsayo sa Tagbilaran ug Jimboy Mayang sa Bacolod makigtakus ni Ritchie Montealto sa Consolacion.
Mokompleto sa fight card mao ang sangka nila ni Ferde San Roque batok Kenneth Gentallan, Bryan Remedio batok Polid Banal, Kit Garces batok Rhezon Tarona, Raul Tarona batok Marco Pumar, Mark Herra batok Reymond Tabogon ug Ramil Castañares batok Marvin Pumar. (BANATSPORTS)