CEBU, Philippines - Nakabawos ang Rollway Customs Brokerage ni Rolly dela Pieza dihang ilang gipilde ang Rylle sa dinumtanay nga duwa sa Inter-company division sa Phase 3 Camella Home Sunday Club basketball tournament niadtong Domingo didto sa Villas Magallanes
gym sa dakbayan sa Lapu-Lapu.
Si Gilig maoy nangu sa kadaugan nga mibagdok og 28 puntos. Nakakuha sab siya'g suporta gikan ni Tongol nga mihabwa og 27 puntos, gisundan ni Bebot Pleños nga mihakop og 18 puntos.
Ang nabawsan nga Rylle gipangulohan sab ni Ondo Casquejo, kinsa miburak sab og 28 puntos.
Sa Inter-color division, ang team Violet midaog gihapon batok sa Yellow team sa iskor nga 106-98.
Puntos Matag Usa
Unang duwa:
VIOLET (106) - Casquejo 36, Dela Pieza 28, Cortes 9, Brañanola 9, Amistad 9, Aparante 7, Villanel 6, Pleños 2, Almacen 2
YELLOW (98) - Ragaza 23, Palad 18, Sepe 17, Geraldez 15, Sumilang 13, Balberona 12
Ikaduhang duwa:
ROLLWAY (96) - Gilig 28, Tongol 27, Pleños 18, Andrino 9, Abel 6, Rosatase 6, Ando 4, Alinio 4, Dela Pieza 2, Sumilang 2, Regala 1
RYLLE (92) - Casquejo 28, Brañanola 18, Saavedra 15, A. Palad 11, Dela Pieza 8, Oyanib 5, Catampatan 4, J. Palad 3, Palad 2. – BANAT NEWS