CEBU, Philippines - Gisubhan og impresibong kadaugan ang Black-Team A ubos sa pagpangulo ni 6-foot-4 center Robert Chua pinaagi sa pagpukan sa Philippine Institute of Certified Public Accountants (PICPA) nga gipangulohan ni Yoli Meso, 88-78 atol sa pagsugod sa Cebu United Bankers Association (CUBA)-2011 Summer League basketball tournament didto sa Capitol Parish gym sa Escario street, Cebu City.
Sayong nanginit ang Black diin miposte kini og 11 puntos sa halftime, 45-34 sa pagpangulo nilang Iam Aparri, Richard Allera ug Chua.
Mihulga unta ang PICPA sa third quarter ug gani niilog pa sa labaw, 76-70 sa nahabiling 2:46 sa final period sa pagkumboya nilang Andre Tocao ug Banban Talaroc.
Pakyas hinuon ang PICPA sa ilang tuyo nga kadaugan kay si Aparri mipabuhagay og sunod-sunod nga 12 puntos uban sa suporta nilang Chua ug Allera aron maila ang daog.
Si Aparri maoy nangu sa Black Team-A sa iyang 20 puntos lakip ang upat ka triples, gisundan ni Chua nga adunay 19 puntos ug Allera pinaagi sa iyang 17 puntos.
Ang PICPA, gipangulohan nilang Tocao ug Talaroc nga nagkumboya og 28 puntos.
PUNTOS MATAG USA
Black (88) - Aparri 20, Chua 19, Allera 17, Solermo 8, Navarro 6, Solon 6, Teves 4, Yawyamin 4, Macaling 2, Ho 2
PICPA (78) - Tocao 15, Talaroc 13, Alejandre 12, Ortiz 10, Torres 9, Guieb 8, Meso 4, Bonsucan 4, Credo 2, Manulat 1 (BANAT NEWS)