Alcala, Gadi kampeon sa PBaRS
MANILA, Philippines - Umiskor ng magkahiwalay na panalo sina Antonino Gadi at Markie Alcala upang pamahalaan ang kani-kanilang dibisyon sa 1st MVP Sports Foundation-Bingo Bonanza Philippine Badminton Ranking System (PBaRS) tournament sa Yñares Sports Arena sa Pasig City.
Binigo ni Gadi, ginitla si Joper Escueta sa Last 16, si Patrick Natividad, 21-16, 21-10, para kunin ang Open men’s singles crown at kumpletuhin ang dominasyon ng Golden Shuttle Foundation sa premier division.
Nauna nang tinalo ni Ma. Bianca Ysabel Carlos si Gelita Castilo, 21-17, 21-14, upang angkinin ang ladies singles plum sa nasabing P1 million ranking tournament na inihahandog ng MVP Sports Foundation-Goal Pilipinas!, Bingo Bonanza Corp. at Victor-PCOME.
Pinagulong naman ni Alcala si Alvin Morada, 12-21, 21-19, 21-15, para pagharian ang Under-15 boys’ singles crown at premyong P10,000.
Sina Peter Magnaye at Saro Fullante ang nagbulsa naman sa Open mixed doubles crown via 21-13, 21-12 win kontra kina Marco Bermejo at Cheska Bermejo.
- Latest
- Trending
