Ave Maria basketball clinic sugdan na

CEBU, Philippines - Sugdan na karong adlawa ang summer basketball clinic nga pasiugdahan sa Ave Maria Sanctuary Park didto sa barangay Mactan gym, dakbayan sa Lapu-Lapu.

Bisa'g gisugdan na ang clinic, ang mga tigpasiugda padayon pa gihapon nga modawat og mga entrante.

Ang usa ka bulan nga clinic bukas sa tanang kabataan nga nag-edad og 10-16 anyos.

Himuon kini matag adlaw'ng tanan, Lunes hangtod Biyernes gikan sa alas-1 hangtod sa alas-4 sa hapon.

 Kanhi magduduwa sa Barangay Ginebra Kings nga si Danny Aying ug kasamtangan karong nagduwa sa Ave Maria ug coach sa University of San Jose-Recoletos (USJ-R) Jaguars Edito Salacut maoy modumala sa tinuig nga clinic.

Libreng upper jersey ug bola ang ihatag ngadto sa tanang partisipante.

Human sa clinic ang matag entrante pabawnan og "certificate of participation" gikan sa tigpasiugda sa clinic nga gipaluyohan sab ni Mactan Brgy. Capt. Evaresto 'Tata' Dihayco Jr.

Alang sa dugang mga kasayoran, mahimong mokontak ni Danny Aying sa 09161073327. - BANAT NEWS