Bhutakalz nagbahis batok Pañeros

CEBU, Philippines - Ang Bhutakalz nga maoy bag-ong ngan sa Young Lawyers Association of Cebu (YLAC) nga gidumala ni Ian Sapayan, gisubhan dayon og impresibong kadaugan batok sa kanhi lider Pañeros Dynasty nga gipangulohan ni Nilo Balorio, 63-54 sa second round sa elimination sa nagpadayong IBP-2011 All Lawyers League basketball tournament didto sa Capitol Parish gym sa dalan Escario, ning dakbayan.

Inspirado kaayo ang Bhutakalz ug milabaw kini'g 11 puntos sa halftime, 36-25 luyo sa mga paningkamot nilang Benjo Santiago ug Van Ligutan, kinsa mao sab ang  nangu sa ilang kadaugan nga adunay 17 puntos matag usa.

Sila si Ting Ordeniza ug Ruel Juban maoy nangu sa Pañeros nga parehong miposa og 16 puntos.Sa sayo pa, ang Blue Eagles ni Atty. Kit Enriquez midaog batok sa Jodin, 52-50.

 Ang Jodin mao unta ang kanunay'ng naglabaw sa unang tulo ka kuwarter, apan gipapas kini sa Eagles ni coach Edsel Vallena gamit ang hugot nga depensa uban ang naglagiting nga mga opensa.

 Sila si Al Lagahit ug Rovelson Velmonte maoy nangu sa Blue Eagles nga adunay tag-11 puntos samtang ang Jodin gipangulohan ni Benjo Macion sa iyang 21 puntos, gisundan ni Jun Pintor nga adunay 18 puntos.

Sa laing duwa, gidemolis sa Los Demonyos ang Pecandela-Mang Tinapay ni skipper Mark Russ Gamallo, 70-57.

Si Edward Bauzon miburak og 21 puntos aron pangulohan ang Los Demonyos, samtang sila si Lito Ortiz ug Ferdie Riveral nagkumboya og 23 puntos.

Si Tommy Yu miposa og 19 puntos alang sa Pecandela.

Gidemolis sab sa Super Idols Empire ni Bong Pepito ang Bros ‘ N Law ni Enrique Rama, 55-37.

Sila si Fermin Pepito ug Jun Felicitas maoy nangu sa Empire nga parehong mi-iskor og 12 puntos.

PUNTOS MATAG USA

Unang duwa:

Bhutakalz (63) - Santiago 17, Ligutan 17, Velez 6, Guieb 5, Gealon 4, Verallo 4, Ang 4, Capahi 2, Sapayan 2, Asis 2

PañeRos (54) - Ordeniza 16, Juban 16, Mendoza 7, Balorio 6, Cabilte 4, Ruaya 2, Busi 2, Calipayan 1

Ikaduhang duwa:

Eagles (52) - Lagahit 11, Velmonte 11, Vallecer 10, Hiyas 6, Arrabis 6, Godornes 3, Avila 2, Solis 2, Pareja 1

Jodin (50) - Macion 21, Pintor 18, Sarno 5, Macabaya 4, Maamo 2  - BANAT NEWS