Leonardo vs Francisco sa PBaRS semis

MANILA, Philippines - Itinakda nina Alyssa Ysabel Leonardo at Jessie Francisco ang kani­lang semifinal showdown matapos manaig sa kani-kanilang kalaban sa U-15 girls’ singles ng Philippine Badminton Ranking System (PBaRS) tournament sa Powersmash sa Makati City kahapon.

Tinalo ni Leonardo ng Jaime Llanes Training Camp si WWGBA’s Faith Denise de Vera, 21-12, 21-14, patungo sa Final Four laban kay Francisco na bumigo kay Ysabelle Carmen Dumandan ng Escoses Training Camp, 21-9, 21-3, sa isa pang quarterfinal clash.

Paglalabanan naman nina Samantha Louise Ra­mos ng Golden Shuttle Foundation at Joella Geva De Vera ng Whackers BA ang isa pang finals berth matapos daigin sina Aizyl Joy Anuales, 21-7, 21-12, at Mary Ann Maranon, 21-8, 21-17, ayon sa pag­ka­kasunod.

Sa boys’ side ng U-15 clas, pumasok sa semis si Markie Alcala ng Allied-Victor matapos igupo si Arman Jose Manlalangit ng JLTC, 22-20, 17-21, 21-17.

Ang 13-anyos namang reigning national Open champion na si Malvinne Alcala ang makakalaban ni Julius Quindoza ng WW­GBA, tinalo si Don Erick Ba­latbat ng JLTC, 21-11, 21-10, sa torneong itinata­guyod ng MVP Sports Foundation-Goal Pilipinas!, Bingo Bonanza Corp. at Victor.

Pinadapa ni Frell Kee­yan Gabuelo ng WWGBA-Prince si Joaquin Deato, 21-15, 21-12, para sa kani­lang semis clash ni Alvin Morada ng JLTC, sinibak si Patrick Gecosala, 21-12, 21-8.