Simpolang Barbecue Haus daog gihapon
CEBU, Philippines - Miagi pa og kalisud ang defending champion Simpolang Barbecue Haus sa wala pa maka-eskapo bitbit ang 76-65 nga kadaugan batok sa Ernest Jay sa 3rd F. Llamas Youth Association (FYA) basketball tournament didto sa Sitio Manggahan open court sa barangay Punta Princesa, ning siyudad.
Sa sayo pa, ang CRV midaog nga walay hago pinaagi sa forfeiture batok sa Orillaville.
Ang Simpolang nga naghupot karon og 2-4 nga baraha diriyot na sab madiskuhedo, apan naluwas sa basket ni Ryan Villaver, kinsa maoy naghatag kanila'g 66-65 nga abante sa wala pa sundi sa split charities ni Jokjok Canceko nga maoy mikandado sa kadaugan.
Si Wendell Ramoneda maoy nangu sa Simpolang sa iyang 19 puntos, samtang sila si Villaver ug JR Laurente miamot og 12 puntos matag usa.
Si Jie-jie Monisit mao sab ang nangu sa Ernest Jay sa iyang 11 puntos. Si team owner Baeng Medalle ug Mark Labrador parehong adunay tag 10 puntos.
Ang torneyo gidumala ni tournament director ug barangay councilor Boy Atillo.
Puntos Matag Usa
Simpolang (67) - Ramoneda 19, Villaver 12, Laurente 12, G. Canceko 8, J. Canceko 5, Abella 4, Zapanta 4, Medalle 2
Ernest Jay (65) - Monisit 11, Medalle 10, Labrador 10, Arreglo 7, Martillan 7, Sabalande 6, Limbaga 4, Del Mar 3, Caparas 2. –BANAT NEWS
- Latest
- Trending
