Pajo NHS nangandam na alang sa "Tournament of Champions"
CEBU, Philippines - Nangandam na ang Visayas title-holder Pajo National High School (PNHS) Lady Vipers alang sa ilang partisipasyon sa Shakey's Girls Volleyball League "Tournament of Champions" karong Abril 3-7 didto sa University of St. La Salle (USLS) gym sa Bacolod City.
Ang PNHS belles ni Fr. Rey T. Manayon, adlaw-adlaw nga nag-ensayo batok sa varsity players aron maanad sa nagpungasi nga atake.
Gilauman ni Manayon ang lisud nga duwa batok sa Hope Christian School ug host USLS-Bacolod.
"I always tell my players to aim high and bring their performance to the next level for us to succeed. More importantly, they should show teamwork because they are playing with some reinforcements from other schools," matud pa ni Manayon.
Ang PNHS magsalig sa first stringers Gretchel Soltones, Marjorie Coloscos, Charlita Auza, Cristy Sucalit, Apple Roiles ug Danika Molinas.
Abagan kini nilang Nina Fernandez ug Shyrra Cabriana sa University of Southern Philippines Foundation (USPF) ug Julaiza Mae Larada sa University of San Jose-Recoletos (USJ-R).
Ang PNHS nidaog sa national championship sud sa duha ka sunod-sunod nga katuigan sa 2008 ug 2009, apan napilde sa miaging tuig ngadto sa USPF. (BANAT NEWS)
- Latest
- Trending
