3 ka UV boxers nidaog

CEBU, Philippines - Tulo sa lima ka mga boksidor sa University of the Visayas (UV) ang midaog sa 2011 Summit Natural Drinking Water Amateur Boxing series sa miaging gabii didto sa Pulangbato Sports Complex.

Sa gilauman, si Dan Lou Codilla nidaog batok sa iyang teammate Robert Labanza, 3-0 sa 52 kgs. division. Nidaog sab si Robert Etorma batok ni Jan Ivor Lastrilla sa Camotes Island, 2-1 ug si Rie Muñez   mimakmak ni Wendel Acharon, 3-0.

Sama ni Labanza, si Christian Apawan napilde ngadto ni Mark Bernaldez sa Butuan City.

Sa laing bahin, duha ka boksidor sa Phil-Australia Boxing Club nga sila si Joebert Cabaluna ug Rhezon Tarona ang midaog batok nilang Jin Gabriel Besinga ug Jariel Jecong sa Flores Boxing Club.

Napilde si Bebe Rama batok ni Dominique Casañares sa Cabancalan ug si Raul Tarona batok ni Ariel Sibay.

Lain pa nga nidaog naglakip    ni Kevin Jake Catajara batok ni Christian Bacolod, Rolando Lingaw-Lingaw batok ni Jonathan Francisco, Rhiyan Canillas batok ni Mark Andre Acub ug Ritchie Montealto batok ni Cherwellan Cantel.   - BANAT NEWS