Ave Maria basketball clinic sugdan sa Abril 5

CEBU, Philippines - Nagpadayon pa gihapon ang rehistrasyon sa Ave Maria Sanctuary Park basketball clinic nga sugdan karong Abril 5 didto sa barangay Mactan gym sa Lapu-Lapu City.

Kanhi magduduwa sa Barangay Ginebra Kings Danny Aying nga kasamtangan karong nagduwa sa Ave Maria ug coach sa University of San Jose-Recoletos (USJ-R) Jaguars Edito Salacut maoy modumala sa tinuig nga clinic.

Ang usa ka bulan nga clinic bukas sa tanang kabataan nga nagpangedaron og 10-16 anyos. Himuon kini sa matag adlaw'ng tanan, Lunes hangtod Biyernes gikan sa ala-1 hangtod sa alas-4 sa hapon.

Usa ka certificate of participation ang madawat sa tanang malampusong partisipante sa maong clinic nga suportado sab ni Mactan Brgy. Capt. Evaresto 'Tata' Dihayco Jr.

Alang sa dugang mga kasayoran, mahimong mokontak ni Danny Aying sa 09161073327 o di ba ni Billy Nadado sa 09237231284.   - BANAT NEWS