Landmasters nidaog na gyud

CEBU, Philippines - Mipatigbabaw ang mga underdog teams dihang ang walay daog-daog nga Mandaue-City Landmasters ug Talisay City mitumba sa ilang mas lig-on nga karibal sa 1st M. Lhuillier Kwarta Padala-Cebu Basketball Association (MLKP-CBA) season niadtong Domingo didto sa USC-main gym.

Ang Landmasters mipakurat sa Asian College of Technology (ACT) Cyber Knights, 95-87 luyo sa pagkamabayanihon ni Frangel Omolon, kinsa maoy topscorer pinaagi sa iyang 22 puntos, samtang ang Talisay mi-iskor og 85-75 nga kadaugan batok sa Hotel Fortuna.

Mao kadto ang unang daog sa Landmasters sulod sa upat ka duwa ug usa sa instrumento sa maong kadaugan mao si Jared Kane Abatayo nga maoy mipasiugda sa mainiton nilang rally sa fourth period.

Si Abatayo mi-iskor og 16 puntos ingon man usab si Franklin Nailon, samtang si Marvin Tundag miamot og 13 puntos.

Sila si Alano Caputolan ug John Villaver adunay 17 puntos matag usa alang sa Cyber Knights, samtang si Ronaldo Bucao ug Milfred Sampelo miabuno og 15 ug 13 puntos matag usa sa ilang kapildihan.

PUNTOS MATAG USA

Unang duwa:

Mandaue-Cebu Landmasters (95) - Omolon 22, Abatayo 16, Nailon 16, Tundag 13, Rogado 12, Juliane 7, Espina 4, Licanda 3

ACT (87) - Caputolan 17, Villaver 17, Bucao 15, Sampelo 13, Akad 7, Ursal 7, Galinato 5, Nuñez 5, Sevilla 4

Ikaduhang duwa:

Talisay City (85) - Basco 12, Bolias 11, Colegado 9, Sereño 8, Lusdoc 7,

Reyes 7, Monaco 5, Rodriguez 2

Hotel Fortuna (75) - Zanoria 24, Pria 17, Magdadaro 14, Litorja 7, Basco 6, Maguate 4, Diango 3   - BANAT NEWS