1st CCUPA cagefest sugdan na karon

CEBU, Philippines -  Ang MJDL Brokers/MS Trucking nga gipangulohan ni Michael Jude D. Logarta makigtakus sa bag-ong team Alin Customs Brokerage, samtang ang paboritong MP Customs Brokerage ni team owner Marty Pimentel makigsangka sa laing bag-ong team CEBAMA sa pagsugod sa 1st Cebu Customs United Personeros Association (CCUPA) basketball tournament karong adlawa diha sa Cogon Ramos gym.

Ang MJDL Brokers ug Pimentel Brokers parehong mga orihinal nga miyembro sa CCUPA ug pirmeng masulod sa semifinals ug mga contenders sa panahon pa sa Customs Employees and Brokers Union (C.E.B.U.) basketball tournament.

Usa ka hamubong opening program ang ipahigayon sa dili pa ang pormal kumbati sa sud sa korte. Gilaumang motambong sa kalihukan mao si Bureau of Customs (BOC) Distirct     Collector   Atty.   Ronnie Silvestre ug Rady Abarintos, ang hepe sa cash division. 

Gawas sa MJDL ug Pimentel, usa sa labing lig-on nga team mao mismo ang CCUPA team nga gipangulohan sa ilang presidetne Yoly Cena.

Lain pang mga partisipanteng koponan mao ang Canillas & Gonzales Customs Brokerage, SUGBUPIM Customs Brokerage, MAJOS Customs Brokerage ug ang CMM Customs Brokerage. (BANAT NEWS)