Los Demonyos daog Sa 2 OT

CEBU, Philippines - Nag-agi una’g duha ka overtime periods sa wala pa hingpit pakurati sa Los Demonyos ni Bads del Prado ang defending champion Super Idols ni skipper Bong Pepito aron mo-iskor og 85-74 nga kadaogan kaniadtong Sabado atol sa pagtapos sa unang elimination round sa nagpadayong 6th season sa Integrated Bar of the Philippines (IBP)-2011 All Lawyers League basketball tournament didto sa Capitol Parish gym sa dalan Escario, ning dakbayan.

Ang Los Demonyos mao kanunay ang nabiyaan sulod sa second ug third period apan hinayhinay kining mikamang sa unahan dihang gipasiugdahan nilang Edward Bauzon ug Lito Ortiz ang usa ka mainitong rally aron molampos sa pagtabla sa iskor 57 hinungdan sa singko minutos nga overtime.

Sayong nakamaneho’g double-digit lead ang Super Idols pinaagi sa opensa nilang Ramsey Quijano ug Fermin Pepito apan napapas sa hinay-hinay ang ilang labaw.

Padayong sikit kaayo ang duwa atol sa first overtime hangtod nagtabla gihapon ang iskor sa 68-all nga miresulta ngadto sa second overtime.

Nagpabuhagay og 17-6 rally sila si Ortiz ug Ferdie Riveral alang sa Los Demonyos aron mo-poste og 11 puntos nga kadaogan ug miinat sa ilang baraha ngadto sa 4-3 ug nahimutang na sa ikaduhang pwesto.

Tulo ka teams—ang Pañeros, Pecandela Law Firm ug YLAC nagtabla karon alang sa unang pwesto sa parehong 5-2 nga baraha.

Si Bauzon maoy nangu sa Los Demonyos sa iyang 22 puntos ug si Glen Cavada midugang og 15 puntos samtang sila si Ortiz ug Riveral parehong miposa og 14 puntos.

Si Richard Bauzon miamot sab og double figures alang sa Los Demonyos sa iyang 11 puntos samtang sila si Pepito ug Joey Daluz maoy nangu sa Super Idols sa ilang 17 ug 11 puntos, matag usa.

Sa sayo pa ang YLAC milampurnas sa Jodin, 77-63 pinaagi sa pagpangulo ni Val Ligutan ug Benjo Santiago kinsa mimugna og 21 ug 19 puntos, matag usa. Ang Jodin midailos na karon ngadto sa 3-4 nga baraha.

Sa sayo pa, ang Blue Eagles ni Atty. Kit Enriquez midaog batok sa Bros N Law ni Enrique Rama, 46-40 alang sa ilang ikaduhang daog sulod sa pito ka duwa samtang ang Pecandela-Mang Tinapay midaog batok sa Pañeros pinaagi sa default.

Puntos matag usa:

First Game:

YLAC (77)- Ligutan 21, Santiago 19, Gealon 13, Ang 7, Guieb 6, Sapayan 4, Villarin 3, Capahi 2, Arnaiz 2.

JODIN (63)- Macion 13, Macabaya 11, Sarno 10, Gidayawan 9, Narido 6, Pintor 6, Presas 5, Elmido 3.

Second Game:

Los Demonyos (85)- E. Bauzon 22, Cavada 15, Ortiz 14, Riveral 14, R. Bauzon 11, Flores 4, Bragat 3, Del Prado 2.

Super Idols (74)- F. Pepito 17, Daluz 11, Quijano 10, B. Pepito 10, Mañuz 10, Santiago 4, Salubre 3, Argawanon 3, Ibones 2, Yosores 2, Heyrosa 2, Felicitas 2.

Third Game:

Eagles (46)- Lagahit 13, Godornes 11, Abcede 5, Arrabis 5, Suson 4, Negapatan 4, Puspus 2, Alviola 2,

Bros ‘N Law (40)- Sususco 14, N. Rama 7, Tabotabo 7, Es. Rama 4, En. Rama 3, Quiban 3, Pascua 2 (BANAT NEWS)