MANILA, Philippines - Kinilala naman si Joe Devance ng Alaska bilang Accel-PBA Press Corps Player of the Week matapos magtala ng mga averages na 20.5 points, 15.5 rebounds at 5.0 assists sa pagbibida sa magkasunod na panalo ng Aces.
Tinalo ni Devance para sa nasabing rekognisyon ang kanyang kakamping si LA Tenorio na may two-game averages na 18 points, 4.5 rebounds at 7.5 assists.
“I’m really trying to get my teammates involved and have fun while doing it,” sabi ng 27-anyos na power forward. “I have great teammates and coaching staff that believe in me. Our system is fit for me to do well. I just make it a point to go hard every time I’m on the court.”
Sa 96-94 pagtakas ng Alaska sa San Miguel noong nakaraang Miyerkules, nagtala si Devance ng 22 points, 7 rebounds at 5 assists.
Laban naman sa Derby Ace, humakot si Devance ng 19 points, game-high 14 rebounds para igiya ang Alaska sa 97-91 tagumpay.