Spurs naka-ipsot

CEBU, Philippines - Mibahug ug 21 puntos si Tony Parker aron pangulohan angSan Antonio Spurs aron molampos sa ilang rally ug pildehon ang Houston Rockets sa iksor, 115-107 sa nagpadayong duwa sa NBA kagahapon didto sa Toyota Center sa Houston, Texas.

Na-apsan ang 13 puntos nga labaw sa Spurs sa second quarter ug naglabaw og 10 puntos sa halftime apan napapas kini sa Rockets kinsa milabaw sa may 6:06 sa third quarter, 67-66 human sa dunk ni Jordan Hill.

“Houston is a very hard team to guard. We made a lot of big stops when we needed to. I felt fortunate to get out of here with a win as Houston always gives us problems.” matod pa ni coach Gregg Popovich sa Spurs.

Naglabaw gihapon ang Houston, 89-87 pagsugod sa fourth period pinaagi sa three-point play ni Kyl Lowry. Human makatabla ang Rockets sa 97 ug may 6:39 ang nahibilin sa duwa, naka-iskor og 3-pointer si Parker ug gikan niadto kanunay nang naglabaw ang Spurs.

“It was a great win and a very physical game. We made the big stops and shots at the end. We did a good job as a team in slowing down Lowry and the Houston offense. I thought we did a great job defensively and to get a win on the road” matod pa ni Parker.

Midugang og 19 puntos si Manu Ginobili alang sa Spurs ug si Antonio McDyess may 12 puntos ug 12 ka rebounds.

Si Kevin Martin maoy nangu sa Rockets sa iyang 28 puntos, ang 12 niini pulos gikan sa third period dihang mi-rally ang Rockets ug si Courtney Lee midugang og 16 puntos gikan sa bench.

Sa laing bahin, napiang si Kobe Bryant apan nakatiwas gihapon sa duwa ug mibaswat sa Los Angeles Lakers ngadto sa 96-91 nga kadaogan batok sa Dallas Mavericks sa ilang road game didto sa Dallas.

Si Andrew Bynum maoy nangu sa Lakers ( 47-20) sa iyang 22 puntos ug 15 ka rebounds samtang si Dirk Nowitzki maoy nangu sa Dallas (47-10) sa iyang 25 puntos ug 10 ka rebounds.

Sa laing duwa, midaog ang Miami batok sa Memphis, 118-85, gipukan sa Atlanta ang Portland, 91-82, gilubong sa LA Clippers ang Washington, 122-101, gisungag sa Chicago ang Utah, 118-100, gilbuong sa Milwaukee ang Philadelphia, 102-74, midaog ang New Orleans batok sa Sacramento, 115-103 ug gipanitan sa Denver ang Detroit, 131-101.   - BANAT NEWS